Aadhaar Card Security Tips – Aadhaar Card Ko Secure Rakhne Ke Tarike

Aadhaar Card Security Tips | Hello friends aj hum is post me aadhaar card ko secure rakhne ke tariko ke bare me janenge, In tariko ka use kar hum apne aadhaar card ki details ko chori ya hack hone se bacha sakte hai.

Aadhaar Card Ko Secure Rakhne Ke Tarike - Aadhaar Card Security Tips

Jaisa ki hum sab jante hai ki aj ke samay me aadhaar card humare liye kitna important ho gya hai or ajkal lagbhag sare kaam chahe online karne ho ya offline uske liye hum apne aadhaar card ko as a identity proof ke taur me istemal karte hai, Jaise ki hume koi online form bharna ho to hume apna aadhaar card scan karke upload karna hota hai, ya koi new sim card leni ho to hume apne aaahaar card ki photocopy deni hoti hai, To aise me hume kahi na kahi ye dar hota hai ki kahi koi humare aadhaar card ko hack ya chura le to wo uska galat istemal kar sakta hai, So hume apne aadhaar card ko online ya offline kahi bhi use karte samay bahut hi sabdhani rakhni chahiye.

Yaha is post me mai aapko 5 aadhaar card security tips ke bare me bata raha hun jinhe aap follow kar apne aadhaar card ko secure rakh sakte hai.

Waise to UIDAI aadhaar card security ka pura dhyan rakhti hai, Lekin fir bhi hume apne aadhaar card ko apne tarf se secure rakhna chahiye, jisse ki koi humare aadhaar card ka galat istemal na kar paye.

Aadhaar Card Security Tips

1. Aadhaar Card Ko Lock Karke Rakhe

Aadhaar card ki security ke liye UIDAI ek security feature laya hai jiska name hai Lock/Unlock Biometrics iska use kar hum apne aadhaar card ko lock or unlock kar sakte hai, or apne aadhaar card ko secure rakh sakte hai, jisase ki hum apne aadhaar card ka galat istemal hone se bacha sakte hai.

Aadhaar card ko lock karne ke liye aapko aadhaar card number or mobile number jo ki aadhaar card se link hai uski  jarurt padegi.

Apne aadhaar card ko lock karne ke iye sabs pahle aap UIDAI ki website ko open kar lijiye, Ab yaha par aapko ek Lock/Unlock Biometrics ka option milega is par click kar dijiye, Ab ek new page open hoga jaha par aapko apna aadhaar card number or security code(Usi ke sath diya hoga) ko dalna hai fir Send OTP ke button par click kar dijiye.

aadhaar card ko lock kaise kare

Ab aapke registered mobile number par ek OTP ayega use yaha Enter OTP wale option me dal de, fir niche login ke button par click kar dijiye. Ab next page me aapko Enable ka button milega us par click karte hi aapka aadhaar card lock ho jayega. Ab aapke aadhaar card ko koi bhi use nahi kar sakta aap bhi nhi, Agar aap apne aadhaar card ka use karna chahte hai to pahle aapko apne aadhaar card ko unlock karna hoga.

Aadhaar card ko unlock karne ke liye aapko same yahi process karna hoga jo ki aapne lock karne ke liye kiya tha bas last me aapko enable ki jagh Disable karna hoga.

2. Aadhaar Card Ki Details Kisi Ke Sath Share Na Kare

Ajkal aadhaar card ka use online, offline sabhi tarh ke kamo me kiya jane laga hai, Aise me aadhaar card ki details hack ya chori hone ka khatra ban jata hai, to aap apne aadhaar card ko kisi website ya kisi ko batane se pahle uske bare me ache se jan le ki ye 100% real or trusted hai ya nahi uske baad hi apne aadhaar card ki details ko share kare.

Kai bar humhe online form varna ho ya kuch or kaam ke liye apne aadhaar card ko internet me upload karna padta hai aise me aap us website ke bare me ache se jaan le ki wo website 100% secure hai ya nahi uske baad hi aap apne aadhaar card ko waha pe dale.

Social sites jaise ki Facebook, Twitter , Whatsapp etc. par aap apne aadhaar card ko kabhi bhi share na kare. Or koi agar aapse phone ya mail me aadhaar card ki details kisi bhi karan se mange to aise logo ko apne aaddhaar card ki details na bataye.

Kai kamo ko karne ke liye hume apne aadhaar card ki photocopy deni padti hai, Jab bhi aapko apne aadhaar card ki photocopy kisi ke sath share karni ho to us photocopy par apne sign kar ye likh de ki ye photocopy kis kaam ke liye di ja rahi hai.

3. Humare Aadhaar Card Par Kitne Jio Sim Card Activated Hai

Ajkal lagbhag sabhi jio sim card use karte hai, or aapko pata hoga ki jio sim card lene ke liye aadhaar card jaruri hai, Agar aap bhi ek jio user hai to aapko ye janna bahut jaruri hai ki aapke aadhaar card se kitne jio number activated hai or jo number activated hai wo apke ya apke janne wale use kar rhe hai, ya koi or aapke aadhaar card ka galat istemal kar raha hai.

Agar aapko koi esa number milta hai jiske bare me aap nhi jante to aap us par action le sakte hai, or future me hone wale illegal activity se bach sakte hai.

Aadhaar card par kitne Jio Sim Card Activated hai yah janne ke liye jaruri hai ki aapke phon me my jio app install ho or kam se kam ek jio number aapke aaddhaar card se activated hona chahiye usake baad hi aap ye jan sakte hai.

Sabse pahle aap apne jio app me login kar lijiye, Uske baad jio app me ane ke baad yaha par aapko ek Link New Account ka option milega is par click kar dijiye.

Jaise hi aap link new account ke option me click karte hai to aapko wo sabhi jio sim card ki list a jayegi jo ki aapke aadhaar card se activated hai, So is list ko dekhkar aap jan sakte hai ki ye numbers ko aap ya aapke janne wale use kar rahe hai ya koi or.

4. Virtual Aadhaar Card Ka Use Kare 

Jab bhi aapko apne aadhar card ko kisi dukandar ya agency me dena hota hai to waha par aap apne aadhaar card ki jagah virtual aadhaar card ka use kare.

Virtual aadhaar card ek temporary 16 digit ka number hota hai, Jo ki ek nischit samay ke baad unvalid ho jata hai, Ise aap UIDAI ki website se generate kar sakte hai. Virtual aadhaar card se aap wo sabhi kaam ko kar sakte hai jiske liye aapko aadhaar card ki jarurt padti hai.

Virtual Aadhaar card kya hai or Virtual aadhaar card ko kaise generate kare iske bare me adhik janne ke liye aap is post ko padh sakte hai yaha aapko iski puri jankari mil jayegi.

5. Aadhaar Card Authentication History Check Kare

Humhe samay samay par apne aadhaar card ki authentication history check karte rahna chahiye, Jisase ki hume ye pata chal paye ki humara aadhaar card kaha kaha or kin kin kaamo ke liye istemal hua hai.

Aj ke samay me New sim card leni ho, Payment karni ho etc kamo ke liye humare aadhaar card ko identity proof ke liye istemal kiya jata hai, Aise me agar aapko ye dar hai ki aapke aadhaar card ka galat istemal to nhi kiya ja raha hai to aap authentication history check kar ye jan sakte hai ki aapke aadhaar card ka istemal kab kab or kin kin kamo ke liye kiya gaya hai.

Authentication History kaise check kare iske bare me adhik janne ke liye aap is post ko padh sakte hai.

To in bato ka dhyan rakh kar aap apne aadhaar card ko secure rakh sakte hai, Ummeed karta hun ki aapko ye aadhaar card security tips achi lagi hongi.

4 Comments
    • elearninhindi

Add a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.