Top 10 Computer Tips & Tricks in Hindi 2018

Top 10 computer tips & tricks in hindi 2018 | Hello friends aj hum is post me computer ke top tips & tricks ke bare me janenge jinake bare me sayad hi aap jante honge. In tricks ka use kar aap apne kaam ko or bhi smart tarike se or jaldi kar sakte hai.

Top 10 Computer Tips & Tricks in Hindi 2018

Top 10 Computer Tips & Tricks

1. Change Password Without Know Old Password :

Agar aapko apne pc ya laptop ka administrator password ko change karna ho to normally aap apne control panel me jakar user account me jakar old password dalkar aap password change kar doge, But agar bina old password jane or bina control panel me jaye password ko change karna ho to sayad aap nahi kar payenge, To chalo mai aapko ek trick batata hun jisase aap bina old password jane or bina control panel ke new password ko set kar sakte hai.

Sabse pahle aap apne pc ya laptop me command prompt ko open kar lijiye, Usake baad net user likh kar enter kar dijiye.

C:\Users\pc name>net user press enter.

Usake baad aapke pc ya laptop me jitney bhi account bane hai sabhi show ho jayenge.

Ab C:\Users\pc name> ke age net user or apne pc ya laptop me jo user ka name hoga use daal dijiye fir space dekar aap jo bhi new password rakhna chahte hai usako daal kar enter kar dijiye jaise hi aap enter press karenge to aapka password change ho jayega.

C:\Users\pc name>net user elearinhindi(pc name) 123456(new password) press enter.

2. Know WiFi Password Without Know Old Password :

Dosto agar aap apne pc ya laptop ke wifi ka password bhul gye ya aap apne kisi friend ke pc ya laptop use kar rhe hai or aapka uska wifi password nahi pata to aap badhi is asani se usake wifi ka password jan sakte hai.

Is trick ko use karne ke liye sabse pahle aap command prompt ko open kar lijiye usake bad aapko type karna hai netsh space wlan space show space profil space wifi name space key=clear dal dijiye usake baad enter kar dijiye.

C:\Users\pc name>netsh wlan show profile elearnin(wifiname) key=clear click enter.

Ab yaha niche scroll karenge to aapko key content ka option dikh jayega jaha aapke wifi ka password likha hua hoga.

3. Encrypting File and Folder :

Dosto humare laptop ya pc me kai esi private ya jaruri file, document ya folder hote hai, ese me humhe dar laga rahta hai ki koi humare un file, document ko apne pan drive ya memory me copy kar le jakar koi galat use na kar le ese me aap un file, folder ko encrypt kar sakte hai esa karne se agar koi aapke us file folder ko copy karne kisi dusre computer me chalane ki koshis karega to wo file nahi chalegi wo file bas aapke computer me hi chelegi.

Isake liye sabse pahle aap us file ya folder ko select kar lijiye jise aap encrypt karna chahte hai, Usake baad right click kar last me properties ke option me click kar dijiye, Ab yaha aapko General tab me ek advanced ka option milega is par click kar dijiye. Usake baad ek pop up open hoga jaha last me encrypt contents to secure data ka option hoga us par tick kar dijiye usake baad ok kar apply kar dijiye.

encrypt kya hai

4. Make Your Own Shortcut Keys :

Aap kisi software me apna khud ka shortcut key banakar unhe apne short cuts keys se access kar sakte hai.

Short cut keys banana ke liye sabse pahle aap us software ko select kar lijiye jisaka aap shot key banana chahte hai, usake baad right click kar last me Properties ke option par click kar dijiye ab yaha par aapko Shortcut tap me shortcuts key ka option dikhega waha par aap jo bhi short key rakhna chahte hai use daal dijiye, usake baad apply kar ok kar dijiye. Isame by default ctrl+alt add hokar aata hai. Example agar aap kisi software ka short key A rakhna chahte hai to by default uska short key ctrl+alt+A ho jayega.

5. Create Same Name Folder :

Agar hum ek hi name ke 2 folder banana chahe to hum use nahi bana sakte hai esa karne par wo 1st wale ko 2nd wale me replace kar dega.

So agar aako ek hi name ke 2 folder banana hai to aap is trick ka use kar bana sakte hai

Same name ke folder banana ke liye sabse pahle aap us folder jisaka aap same name rakhna chate hai usako rename kare fir Alt daba kar 255 press kar dijiye usake baad us folder me wo name dal dijiye jo 1st me daala tha is prakar aap ek hi name ke 2 folder bana sakte hai.

6. Browser Shortcut Keys :

Dosto hum sab computer ya laptop me browser ka to use karte hi hai lekin kya aapko pata hai ki hum browser ke short cut key ka use kar hum apne kaam ko or jaldi or professional tarike se kar sakte hai

  1. Ctrl+t : New tap ko open karne ke liye.
  2. Ctrl+w: kisi tap ko close karne ke liye
  3. Ctrl+sift+t : Agar apse kaam karte karte agar koi tab close ho jati hai to aap is shortcut key se use kar open kar sakte hai .
  4. Alt+home : Is short key se aapka home page open jayega. Maan lijiye aapne kisi website ko open kar rakha hai or aap use close kar home page me jana chate hai to aap is shortcut ki madad se ja sakte hai.
  5. Ctrl+any number(1-8) : Maan lijiye ki aapke browser me aapne kai sari tab open kar rakhi hai or aap 1st wale tab se 5th wale tab me jana chahte hai to aap ctrl+5 press kar dijiye aap direct 5th tab me chale jayenge.
  6. Ctrl+sift+del : Is short cut key ki madad se aap apne browser ki history ko clear kar sakte hai
  7. Ctrl+d : Isaki madad se aap apne page ko bookmark kar sakte hai, maan lijiye apko koi website achhi lagi or aap use bookmark kar ke rakhna chhte hai to aap is key ka use kar use bookmark kar sakte hai.
  8. Ctrl+j : Is key ki madad se aap download window ko dekh sakte hai.
  9. ctrl+L : Is key se aapka cursor url me move ho jayega or sab highlight ho jata hai.
  10. ctrl+n : Open new browser window. 

7. Know Website IP address :

Agar aapko kisi website ka IP address janna hai to aap is trick ka use kar badi hi asani se jan sakte hai.

Sabse pahle aap command prompt ko open kar lijiye usake baad type kare ping fir space dekar aap jis bhi website ka ip address janna chahte hai usaka name daal dijiye, jaise ki google.com ka ip address janna hai to ping google.com likhkar enter kar dijiye. Ab yaha par aapko us website ka ip address dikh jayega.

C:\Users\pc name>ping google.com(jis bhi website ka id address janna hai usaka name daal dijiye) fir enter press kar dijiye.

8. Automatically add www. And .com to a url :

Agar aap browser me kisi website ka url jaise ki www.elearninhindi.com likhte hai to aapko pura likhna padta hai ese me aap chahte hai ki website ka naam likhe or www. Or .com automatically hi add ho jaye to aap usake liye website ka name likh kar Ctrl+Enter key ko press kar dijiye usake baaad wah website www. Or .com automatically type ho kar open ho jayegi.

9. Hide Folder, File :

Humare pc ya laptop me kai ese folder ya file hote hai jinhe hum kisi ko nhi dikhna chahte ese me aap un file folder ko hide kar ke rakh sakte hai.

Folder file ko hide karne ke liye sabse pahle aap us file ya folder ko select kar lijiye jise aap hide karna chahte hai usake baad us par right click kar properties ke option me chale  jaye fir general tab me attributes ke option me hidden ke option par tick kar djiye, usake baad apply par click kar dijiye ab ek pop up open hoga jaha par aap apply changes to this folder sub folder and file wale option par tick kar ok kar dijiye fir ok kar dijiye. Ab aapka wo folder hide ho chuka hai.

10. Open Task Manager :

Agar aapko task manager open karna ho to aap simple ya to aap search me task manager ko type karenge ya fir aap keyboard se Ctrl+Alt+Delete press kar task manager ke option ko select kar use open karoge. But yaha mai aapko ek esi trick bataunga jisase aapko itana lamba process karne ki jarurat nahi padegi. Task manager ko open karne ke liye aap apne keyword se Ctrl+Sift+Esc ko press kar dijiye usake baad task manager open ho jayega.

Ummid karta hun ki aapko ye Top 10 Computer Tips & Tricks in Hindi post achhi lagi hogi, Agar aapke man me is post se relative ko bhi doubt ya question ho to aap niche comment me puchh sakte hai.

Add a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.